|
|
100 dagar til OL: Håpar Noreg tar 35 medaljar
Toppidrettssjef Tore Øvrebø er offensiv og trur på 35 norske medaljar under vinter-OL i Italia, det kjem fram då han møtte pressa i Olympiahallen, onsdag.
– Det er både krevjande og realistisk, seier Øvrebø.
Målet for Paralympics er åtte medaljar.
– Me har jobba over tid med idrettane for å finne eit fornuftig nivå på målsettingane, legg han til.
– Eg er lettare sjokkert over at Tore Øvrebø for ein gong skuld er heilt realistisk i sine medaljemål, seier NRKs sportskommentator Jan Petter Saltvedt.
For OL i Beijing i 2022 var målet 32 medaljar. Noreg tok med seg 37 medaljar, der 16 av dei var gull. Det er rekord for eit vinter-OL.
– Mange av dei store medaljegrossistane har lagt opp før OL, seier Øvrebø til NRK.
Neste års meisterskap går utan mellom andre Therese Johaug og Jarl Magnus Riiber.
Johaug tok tre gullmedaljar førre OL.
Leikane varer frå 6. til 22. februar. Opningsseremonien er på San Siro i Milano fredag 6. februar.
Avslutningsseremonien finn stad i det berømte amfiteateret i Verona 22. februar. Alt Milano og Verona er nemnt, og fleire stadar og nokre av idrettane kjem her i det svært spreidde meisterskapet:
* Langrenn, hopp og kombinert er i Val di Fiemme.
* Alpint for menn skjer i Bormio.
* Alpint for kvinner skjer i Cortina d´Ampezzo.
* Skiskyting går føre seg i Anterselva.
* Alle konkurransar på is innandørs er i Milano.
* Snowboard- og freestyle-utøvarane skal konkurrere i Livigno. |
Publisert: 09:29 29-10-2025
Kilde: NRK
Les hele saken hos |
|
|
Artikkelen tilhører kategorien:
Artikkelen ble indeksert den 29-10-2025 klokken 11:25.
Artikkelens direkte url er: https://www.nrk.no/sport/100-dagar-til-ol_-hapar-noreg-tar-35-medaljar-1.17630977
Artikkelen har til nå hatt 2 visninger og 0 klikk.
|
|
|
