|
|
Feira med «dab» etter stafettsiger – får «slakt» frå Frankrike
Dei norske herrane var sterkast og vann stafetten i finske Kontiolahti laurdag.
Då Vetle Sjåstad Christiansen kryssa målstreken, tok han armane opp i ein «dab».
Frankrike tok andreplassen, og var ikkje særleg imponert over feiringa til nordmannen.
– Det var seks år sidan Vetle, stopp det, seier Émilien Jacquelin medan han smiler til TV 2.
– Eg skal få dabbing «great again», seier Christiansen til TV 2 og tek ein ny dab.
– Han byrjar å dra på åra. Han gjer alt for å halde liv i unge seg. Eg veit ikkje om det er trist eller gøy, seier Dale-Skjevdal til NRK.
Sverige tok tredjeplassen, og det såg lenge ut til at Frankrike skulle ta sigeren.
Dei leia rennet overlegent heilt til siste etappe. Det norske laget hadde både ladekluss og fleire ekstraskot på dei tidlegare etappane.
– Det som skjer er at det blir levert dårlegare samanlikna med det nivået Frankrike ligg på. Både med tanke på treff, men også hastigheit på skytinga, sa NRKs ekspert Ola Lunde før den siste etappen.
Franske Quentin Fillon Maillet gjekk 40,7 sekund framfor Christiansen. Franskmannen måtte bruke fleire ekstraskot, medan Christiansen leverte to feilfrie seriar.
– Han er i ein kjempegod skyteform, sa Ola Lunde.
Johannes Dale-Skjevdal, Johan-Olav Botn og Sturla Holm Lægreid gjekk dei tre første etappane. |
Publisert: 15:53 07-03-2026
Kilde: NRK
Les hele saken hos |
|
|
Artikkelen tilhører kategorien:
Artikkelen ble indeksert den 07-03-2026 klokken 17:39.
Artikkelens direkte url er: https://www.nrk.no/sport/feira-med-_dab_-etter-stafettsiger-_-far-_slakt_-fra-frankrike-1.17798761
Artikkelen har til nå hatt 11 visninger og 0 klikk.
|
|
|
